bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


03/03/2016

Presentada de SA SORIGHITA PRESUMIDA

Nùgoro, 1a die de martzu

In su Cafè Tettamanzi de Nùgoro, chi at organizadu sa manifestatzione, sa sotziedade editoriale Papiros at presentadu su primu libru de sa sèrie Contos Clàssicos, presentes unos cantos amigos e clientes de su cafè.

A presentadu Diegu Corràine, trudutore de s'òpera, e sunt intervènnidos Mariolina Mannia, presidente de sa coop. Papiros, Antoni Marche sòtziu de sa matessi cooperativa editoriale.
At dadu su saludu finas Gianfranco Canneddu, propietàriu de su Tettamanzi, un'impresa chi "ispàinat cultura".

S'idea de presentare libros in tzilleri no est noa. Moet dae s'idea chi si sos letores no andant a libreria, sos libros devent proare a andare a ue s'addòviant sos letores possìbiles: tzilleris, butegas, ufìtzios. Una manera noa pro educare a sa letura, mescamente de libros in sardu, in ue sa gente chi faeddat in sardu creet de no èssere capatza de lèghere in sardu.

Sa presentada at tentu un'èsitu mannu finas ca sos organizadores ant ispainadu in direta sa presentada pro 30 minutos cun su sistema Facebook, chi at cunsentidu a prus de 500 pessones de bìdere in Internèt sa presentada comente ch esserent presentes fisicamente.

Su libru presentadu tenet unu formadu de 19x19 cm, 32 totu a colores, e costat petzi 7€. Lu podides comporare in totu sas librerias o in sa butega web Papiros.


#Diegu Corràine

» in segus