bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


20/03/2016

Ite est unu agregadore de RSS

pro tènnere semper sas noas chi t'interessant a disponimentu

INCARCADE IN SA FIGURA posta a manu manca, in bassu, de custa videada, e abbonade·bos a sas pàginas chi bos interessat de èssere semper informadu!
...

De seguru ais bidu in carchi situ su retanguleddu cun s'iscrita Rss o Xml, semper prus presente in sas pàginas internet.
Su Rss (Really Simple Syndication) est unu limbàgiu istandard chi cunsentit de distribuire cun discansu sos cuntenutos de unu situ e de los agregare e presentare in àteras formas

A ite servit?
Sos flussos Rss sunt impreados pro:
   1. Èssere semper informados de sas noas publicadas dae sos sitos sena dèvere navigare in cherta issoro.  In càmbiu de intrare cada bia in su navigadore pro abbaidare si in sos sitos preferidos b'at noas chi no ais lèghidu, como bastat a installare in su carculadore bostru un'agregadore o letore Rss (comente sos chi cussigiamus in pee de artìculu), e a agiùnghere s'indiritzu de sos flussos Rss chi bos interessant a sa lista de sos chi cherides controllare.
Su letore/agregadore bostru at a intrare e controllare totu sos sitos chi bos interessant, cun totu s'elencu de sas noas publicadas e galu a lèghere, e bos at a avèrtere cun unu sinnale sonoru o luminosu de sas novidades.
In custa manera seis seguros chi non bos perdides nudda, comente cando seis abbonados a una lista postale de distributzione o de notìficas. E tenides finas su profetu de non bos prenare sa casella de posta de sa burrumballa o de s'arga chi a su soòlitu arribbat cun sos notitziàrios;
   2. Agiùnghere sos tìtulos de sas ùrtimas noas a su situ web bostru o a su blog

Ite tocat a fàghere?
Si connoschides giai su RSS e tenides un'agregadore, bastat a copiare e a incollare (tastu de dereta de su sorighitu) sos collegamentos de sos canales temàticos chi cherides annànghere a sa lista bostra.
Si non tenides galu un'agregadore, bos cussigiamus de bos nde buscare e iscarrigare unu e de l'installare sighende sa protzedura cussigiada:

Sos agregadores/letores pro RSS
De agregadores bi nd'at de medas castas e pro cale si siat sistema operativu.
Bi nd'at chi funtzionant comente programas a contu issoro o in pare cun su navigadore preferidu (Firefox est cussigiadu).
Calicunu est a pagamentu, ma su bonu sunt de badas e faghent bene su servìtziu issoro.


#Diegu Corràine

» in segus