bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


20/11/2016

«ISCRIE una Lìtera a sos TRES RES 2017»

EDITZIONE 2017, Annu 25 - NÙGORO Iscadèntzia: su 10-12-2016

...

BANDU de su CUNCURSU ISCRIE una Lìtera a sos TRES RES 2017
Annu 25 - NÙGORO

A sas pitzinnas e a sos pitzinnos de sas Iscolas Elementares de Sardigna
A sas maistras e a sos maistros

Ocannu, pro sa de bintighimbe bias, pro sa die de sa festa nostra, pro su 6 de ghennàrgiu de su 2017, organizamus su
CUNCURSU ISCRIE UNA LÌTERA A SOS TRES RES
Su Cuncursu est pro sas iscolanas e sos iscolanos de sas iscolas elementares de totu sa Sardigna.
Sas Lìteras a sos Tres Res devent tratare, in sardu, argumentos chi istant a coro a sas pitzinnas e a sos pitzinnos de oe.
Pro èssere atzetadas in su Cuncursu, sas lìteras cherent IMBIADAS DAE S'ISCOLA (non dae sos pitzinnos), in posta eletrònica, ISCRITAS IN FORMADU "WORD" a:

sos3res@gmail.com

intro de su 10-12-2015.

BALET PETZI SA LÌTERA in formadu WORD imbiada a: sos3res@gmail.com

.................................................................................

A pustis, imbiade finas sa lìtera iscrita a manos a:
SOS TRES RES,
c. de Lombardia 46,
08100 NÙGORO / Nuoro

Pro su Cuncursu, BI BOLET sa lìtera in formadu Word e iscrita a manu. Sa lìtera iscrita a manu devet èssere imbiada dae s'Iscola de apartenèntzia cun BUSTA INTESTADA.


Ammentade·bos de iscrìere craru finas su nùmene e su sambenudau bostru, sa carrera e sa bidda in ue istades, s'indiritzu de post@ eletrònica, su nùmeru telefònicu. In prus, tocat a iscrìere finas su nùmene e sambenadu de sa maistra o de su maistru, s’indiritzu suo de post@ eletrònica e su nùmeru telefònicu.
A sos pitzinnos chi ant a iscrìere sas 20 lìteras prus bellas amus a lassare un’ammentu nostru. Custas lìteras ant a èssere premiadas e, paris cun sas àteras mègius, ant a èssere publicadas in unu libru.


Sos prèmios ant a èssere cunsinnados in NÙGORO , in ocasione de una festa manna de pitzinnas e pitzinnos, su 6-1-2017, in sa Crèsia de su Rosàriu.

Nùgoro, 21 de Santandria de su 2016

SOS TRES RES:
GASPARRU, MERTZIORO, BALDASSARRU

Organizatzione: 349-6726349

FINAS OCANNU, at a èssere organizada una REGORTA DE FUNDOS pro pagare sos GASTOS de su CUNCURSU, in ue amus a REGÒLLERE IN DONU su dinare chi nos a t a chèrrere dare su bonucoro de sos chi istimant sos TRES RES e sa LIMBA SARDA!


#Diegu Corràine

» in segus